بھگت رامانند

رامانند چودھویں اتے پندرھویں صدی وچ واراݨسی دا ویشنو گرو سی، جس دا اتری ہند دی بھگتی لہر اتے وڈا اہسان ہے۔ اوس نے بھگتی سبھ جاتاں لئی کھولھ دتی اتے سنسکرت دی تھاں ہندی وچ اپدیش دتا۔

روایت اوس نوں سنتاں دی اک ولکھݨ منڈلی دا گرو مندی ہے: کبیر جلاہا، روداس چمار، دھنا کسان، پیپا راجہ اتے سیݨ نائی، ہالانک تاریخاں ساریاں میل نہیں کھاندیاں۔ گرو گرنتھ صاحب وچ اوس دا اک شبد کہندا ہے کہ اوہ چندن اتے دھوپ لے کے مندر پوجا کرن گیا، پر رب نوں آپݨے ہی من وچ پایا۔

بھاویں اوس نے سبھ نوں سکھیا دتی جاں نہیں، اوہ بھگتی دی اوس لڑی دے سر اتے کھڑھا ہے جو گرواں ول لے گئی۔